Abadia, Arnauld, 1815-1893

"Arnaud-Michel Abadia Urrustoi (1815eko uztailaren 24a, Dublin - 1893ko azaroaren 13a, Paris) euskal-irlandar geografo eta euskaltzale bat izan zen, Anton Abadiaren anaia gaztea, biak ere elkarrekin Etiopiara bidai nabarmenak burutu zituztelarik. Bi anaiak Irlandako Dublin hirian jaio ziren, aita zuberotarra eta ama irlandarra zutelarik. 1818an gurasoak Frantziara emigratu eta bi anaiek zientzian oinarritutako heziketa bikaina jaso zuten. Arnaud gaztea denboraldi batez Clauzel jeneralarekin batera Argelian egon zen, ondoren Alexandria hirian egon zelarik, 1837an bi anaiak Etiopian elkartu ziren, han 1838ko otsailean Massawa hirian lehorreratu zirelarik. Biek herrialde honetako hainbat eskualde bisitatu zituzten, horien artean ordurarte ia ezezagunak ziren Ennarea eta Kaffa Erresuma, batzutan bere anaiarekin batera, bestetan aldiz bakoitza bere kabuz. Bi anaiek hainbat zailtasunei aurre egin eta abentura askotan barna ibili ziren, eta azpikeri politikoetan sartuta ere ibili ziren, gehienbat Anton, honek Frantzia eta misiolari katolikoen alde eragin zuelarik. Etiopiako geografia, geologia, arkeologia eta natur historiaren inguruko informazio baliotsua bildu ondoren, 1848an bi anaiak Frantzia eta Ipar Euskal Herrira itzuli ziren, une hartatik aurrera jasotako materiala prestatu eta argitaratzera ekin zioten. 1853an Arnaudek Etiopiara beste bidaia bat burutu zuen. 1868an bi anaien bidaien kontakizun orokorra Douze ans dans la Haute-Ethiopie izenburupean argitaratu zen. Bestalde, 1850ean bi anaiek Parisko Geografia Elkartearen domina jaso zuten, Arnaudek erakunde honetako VI. Txostena osatzen ere lagundu zuen. Ras Mikael saria ere irabazi zuen."

Resumen biográfico extraído de Wikipedia en español:

"Arnaud-Michel d'Abbadie (24 Julio 1815 - 8 Noviembre 1893) Geógrafo francés, junto a su hermano mayor Antoine Thomson d'Abbadie, ambos realizaron notables viajes en Etiopía."

Abstract form English Wikipedia:

"Arnaud-Michel d'Abbadie (24 July 1815 - 13 November 1893) was an Irish-born French and Basque geographer, and along with his older brother Antoine-Thomson d'Abbadie, was notable for his travels in Ethiopia."