Arregi, Joseba, 1946-

"Joseba Arregi Aranburu (Andoain, Gipuzkoa, 1946) politikaria eta euskal nahiz gaztelaniazko idazlea da. Teologian eta Soziologian doktore. Rikardo Arregi kazetaria anaia zuen. Eusko Jaurlaritzako Hizkuntza Politikarako Idazkaritzako buru izan zen, eta bi alditan Kulturako sailburu (1984-1985 eta 1987-1995), baita Eusko Jaurlaritzaren bozeramaile ere. EAJren Gipuzko Buru Batzarreko buru eta Euskadi Buru Batzarreko kide izana da. 1987an hautatu zuten lehenengoz Eusko-Legebiltzarkide, eta legealdi hartan kargua hartu eta hilabete batzuetara utzi bazuen ere, 1990etik 2002 arte ez zion inoiz utzi legebiltzarkide izateari. Jarduera politikoa irakaskuntzarekin eta jarduera intelektualarekin bateratu zuen. Euskal Herriko hainbat komunikabidetan ohiko zutabegile eta solaskide izateaz gainera, Euskal Herriari buruzko liburuak ere idatzi ditu, besteak beste La Euskadi invertebrada. 2000. urtean, Diego López Garridorekin batera, Ser nacionalista argitaratu zuen. Euzko Alderdi Jeltzalearen irizpide ofizialekin oso kritiko agertu zen eta geroago EAJtik atera zen. EAJ gobernutik kanporatzearen aldeko "Aldaketa" taldea sortu zuen beste batzuekin batera. Bere ibilbide politikoaren azken urteetan, PSErekin bat egin zuen, bai eta espainiar nazionalismoaren pentsamoldera nabarmenki hurbildu ere."